يااصدق غلا .. واعذب غلا ...

[%مـشـاكــس%]

خذني غلا.. يا أصدق غلا.. بالوقت الأول والأخير
أبغاك تدرس حالتي أول.. وأنا أدرس حالتك
حنا نفس واحد.. وروح.. وقلب.. وعيون.. وضمير
عدالتي ظلمك.. وظلمي.. منتهى عدالتك
أوقف وأسميك الملك.. وشوي أسمّيك الأمير
أخاف من سطوة سموّك.. وأحترم جلالتك
يا...... لا يضيق لك خاطر.. فديتك لو يصير اللي يصير
إن كان ما شالتك الأرض... رموش عيني شالتك
يا أترف مشاعر بالبشر... يا أرق من لمس الحرير
ساعة زمن.. ممشاك.. من غرفتك حتي صالتك
دلعك يثقل خطوتك... وأحيان يمنعك المسير
وأحيان أشك إن الدلع.... سلالته سلالتك
يومك تعض شفيفتك... وإصبعك لـ عيوني يشير
وتقول هذي مالتي... وأقول طبعا مالتك
تقولهااا وأعيش نشوتها... وأحس الموووت أخير
لا شفت موتي بين عقرب صدرك.. وسلسااالتك
تدري لا شفت بيالتك... بأطراف ثغرك تستدير
أضرب على صدري وأقول.. الحظ حظ بيالتك
سحرتني يالأسمر الجذآآآآب... يالملح المثير
ياللي سمارك جامعِِ... سكر وملح أصالتك
فتنتني بعيونك الخدرات.. والرمش الكسير
وحببتني في طيشك.. وحببتني جهالتك
ماعاد لي سلطة على حالي.. وأنا بيدينك أسير
ولا عاد لي حيـلِِ.. يساعدني على حيالتك
يا علّني فدوتك.. من راسك إلى إصبعك الصغير
يا كبر بختي يوم ناولتك.. يدي ونآآآآآلتك
..... يا أصدق غلا.. وأعذب غلا.. بالوقت الأول والاخير
هذي خلاصة حالتي... عطني خلاصة حالتك..

[ابوعبدالله]

مشاكس وكلام جميل رعاك الله