الطعنة اللي من ورى ظهرك تنهيك

[اسيرة احزاني]

السلآم عليكم ورحمة اللهـ وبركآآتهـ’


بعض البشر لامن حشمته طمع فيك
وبعض البشر لامن جفيته يودك

وبعض البشر يتعب على شان يرضيك
وأغلى من اخوانه بقلبه يعــــدك

ويا صاحبي هالحين بانت خوافيـــك
علقـــتني مابين مزحـــــــك وجدك

وش جاك مني ياعشيري وانا اخيك
قبل امس انا صاحبك واليوم ندك

لاضاق صدري من عنا وقتنا اجيك
واشوف دمعات الغلا فوق خـــدك

والحين تظلمني وانا منك وفيــك
بكل إحترام اقول يا خوي حــــــدك

ثمن كلامك يا عسى الله يهديك
لاصار ماي الوجه يعجز يـــــــردك

ثوب الردى ياصاحبي مايقديك
الثوب لا ثوبك ولا القــــــــد قــــدك

انا اول انسان اذا ضقت بجيك
حتى ولا اذكر يوم وقــفت ضــــدك

ماتذكر اني بالوفا كنت اجازيك
وانته تجازيني بظلمك وصــــــــدك

لكن خلاص اليوم والله مابيك
النفس طابت ســــو ماهــــو بــودك

الطعنه اللي من ورى الظهرتنهيك
وشلون لاجاتــك من اللي يـــــودك

لا واهني يوم انا اموت بيديك
ذابح وتبكــــــــــي من ذبحته بيــدك


م ن ق و ل .. لعيووونكم’

اختكم

اسيرة احزاني

[ابوعبدالله]

شكراً لك على هذه الأبيات الجميلة وفقك الله ورعاك

[sweet heart]

اختي اسيرة احزاني

السلام عليكم ورحمة الله وبركاته

اعجبتني الابيات وحبيت اجاريها بهذي الابيات ارجو ان تنال اعجاب الاخوه الاعضاء


ياللي تحشمني انا ميتً فيك=ويامن تجافيني الله لايردك
وابشر بعزك كلي انا فدوة اراضيك=ماهو بالمثل زودأ عن الناس اعدك
والله يستر خايف انا من خوافيك=ضايع انا بين خيك وبيك وجدك
ياعشرة المعروف تكفى وانا اخوك=لاتشمت العذال يقولو حبيبك سار ندك
قبل امس والبارحه من ضاق صدري اجيك=واشكي همومي على صدرك وخدك
تكفى وتكفى لو تطلب الغالي اوفيك=بس الجفا ياصاحبي لاتقول حدك
بعض الملامه ما تجمل الله يهديك=اجيك بوجيه العرب ولا نشوف صدك
ثوب لبسته ماهوب لايق فيك=والثوب الاول تفصيله لقدك
لو ضاقت الدنيا تراني اباجيك=وانسى علوم وقفت ضدي وضدك
ولولا الوفا ياصاحبي قلبي يجازيك=بالحب والعرفان وماشوف صدك
واليوم احلف لك ايمان ما ابيك ما ابيك=مهماً تسوي القلب ما يرضى يودك
والخنجر اللي غرسته الامس ينهيك=الخنجر المسموم من شخص يحبك
يافرحتي يوم دمي ينسكب بين اياديك=قاتل وتمشي في الجانزه دمعك فو خدك