طريقة عمل العصيده با السكر

[هيووونه]

طريقة عمل العصيدة بالصور والشرح

المقادير ...
كوبين طحين ( محمر ,مشفشف , محمص ) اكثر من تسميه له بس اهم شي يكون لونه فاتح
مب غامق ...
كوب سكر ( يعادل 5 فناجين سكر ) لاتقولون وايد لانها تحتاج سكر ولا بتطلع ماصخه
الماء ( عباره عن 6 اكواب ماء )
ملعقه كبيره زعفران منقعه بفنجان ماي ورد , ملعقه هيل مطحون
دهن او سمن مب زيت ..حلاته مع الدهن القطري يمي يمي


الطريقه :
نحمر السكر على النار لين يصير لونه عسلي اهم شي لايحترق
نضيف عليه كوبين ماء فقط ..ونخليهم يطبخون لين يذوب السكر تماما

طبعا الطحين جاهز ومشفشف ... انخليه عشان الكتل تروح منه وضيفي عليه 3 اكواب
ماء وحركيه وخليه على جنب

اول مايطبخ السكر والماء عدل ضيفي ماء الورد والزعفران والهيل
...ومن ثم ضيفي الطحين ( الي خلطيته بالماء ) ضيفيه كامل مع الماي حقه

طبعا اول ماتضيفينه بتلقينه يغلظ حركيه ..وزيديه كوب ماء ( هذا اخر كوب )
وقعدي حركيه ..وخليه على نار هاديه ..وحطي الدهن عليه تقريبا مقدار ملعقتين طعام
او اكثر على حسب الرغبه ... اذا حسيته يحتاج سكر زيديه لان حلاته بالسكر

وبعد 5 او 10 دقايق سكري النار وقدميه وهو حــااااااااااااااار ولو بغيتي حطي علي الوجه
شوي دهن ....وتمتعي بالطعم الرهييييييييييييييييب ..

http://www.almedan.net/Uploaded/1149774047_aseedah.jpg
ويمكن استبدال السكر با التمر

هذا العصيده يا اصعب عليك با العافيه

[ليون هارت]

ههههههههههه يعافي قلبك هيووونه والله يا انا مشتهيها من زمان

يسلموا دياتك خيتو ادري تعبناك بذا السجن بس لو ما نمون ما سجناك <<<<<< ومن قال انك تمون اصلا

[فان نت]

يعطيك العافية .

هيونة .

اكلة حيل احبها .

[هيووونه]

با العافيه ع قلوبكم جميعا

[مشاعر خجوله]

عوافي
ع الطريقه

[أمنيتي لم شملي]

يسلمو هيونتي
هذه نسميها رغيدة
ولذيذة أكلها مع جدو
لأنها يحبها وسهلة عليه..
تسلمين حبيبتي
أختك:قصااااااايد

[عهودي]

تسلمين يا الغاليه طريقه مره سهله
تحياتي